ما هي الاسباب الخمس لنجاح الاخوان في انتخابات مجلس الشعب؟؟ علي منتديات سمر وشهد

حسبي الله ونعم الوكيل....الاخوان والسلفين معندهمش كارت غير اللعب بالدين
الاخوان والسلفين منافقين ومرائين ومصلحجيه وبتوع شعارات بس....

ومن الاقوال الجميله للشيخ الشعراوي رحمه الله...اذا جائكم رجل الدين يستميت علي السلطه فلا تولوووووووه

وهناك ايضا حديث شريف عن الرسول (ص) لمن طلب الاماره ويستميت عليها
لا تطلب الاماره فان طلبتها وَكلت اليك...وان جاءتك أُعنت عليها)

والحديث باين جدا ومش محتاج شرح

اولا علشان الناس تفهم ما هي اسباب نجاح الاخوان والمتأسلمين في مجلسي الشعب والشوري
هما منجحوش علشان الناس بتحبهم وعلشان سواد عينهم ابدا

وسوف احاول ان اشرح الاسباب في شكل موجز:-

‎1- الناس كانت خارجه وما زالت في انفلات امني واخلاقي واقتصادي وانهيار من جميع النواحي...وكلنا مننساش الفتره اللي كل واحد كان واقف تحت بيته بيدافع عنه...واولاده بالمنزل يبكون ويخافون علي ابيهم او اخيهم او.....

فالناس كانت عايزة تتعلق باي قشه حتي وان كانت ستدخلها في نار من نوع جديد... فقالت جربنا النظام القديم فيها ايه لو نجرب المتأسلمين

2- المخالفات القانونيه والتي سكت عنها المجلس العسكري لغرض في نفس يعقوب ساوضحه بعد ذلك في نهايه حديثي

ومن تلك المخالفات الدعايه الدينيه تحت شعار الاسلام ونحن شعب متدين سواء المسلم او المسيحي ..واي دغدغه للمشاعر الاسلاميه ننساق فورا ورائها طمعا في رضاء الله

ونري ذلك بوضوح في الاستفتاء وغيره ومن يقول نعم للدستور اللي علي مزاجهم يدخل الجنه واللي يقول لا يدخل النار

ودلوقتي لما بقي الدستور مش في صالحهم بيعترضوا عليه....نفااااااااااااااق

ومن المخالفات ايضا الصمت الانتخابي الذي لم يتقيدوا به والدعايه خارج اللجان ...تلاقي راجل بذقن او امراه منقبه ويوجهون الناس لمرشحهم خارج اللجان ...وسيحدث ذلك بالطبع في انتخابات الرئاسه

ومن المخالفات العظيمه واللي جابت اصوات للاخوان ....المال السياسي الحرام والرشاوي المتمثله في الزيت والسكر والسمك والبيض والخضار .....
وده كله لوجه السلطه وليس لوجه الله .....ولا حول ولا قوه الا بالله العلي العظيم

اولا اسم الاخوان المسلمين من الاصل اسم غلططططط
فيه تميز عنصري يعني ايه تجمع كذا واحد وتسموا نفسكم اخوان مسلمين في وسط مجتمع مسلم والحمد لله
منخلي المسحين يعملوا جماعه ويسموا نفسهم الاخوان المسيحين
والامه الاسلاميه تتفرق الي فرق وشيع وتكون كثره لا خير فيها
بدل ما نكون ايد واحده علشان ننتصر علي اعدائنا

وكمان اسم المرشد اسم غلطططططططططططططط
يعني مرشد ...نبي ولا رسول بيجيله الوحي من ربنا وبيبلغ كلامه لجماعته

‎3- المال الغزير اللي احنا مش عارفين جي منين واللي بيصروفوا في كل مكان وايضا ده مخالف للقانون
لانك بتظلم غيرك من المرشحين الكفؤ والفقراء دعائيا
فالمعيار الصحيح الكفاءه في القياده سواء الرئيس او مجلس الشعب وليس المال
مش علشان انت معاك مال تكسب حتي ولو كنت ضعيف او غير صالح للمسؤليه

وأذكركم اخواني واخواتي بموقف جميل وحكيم يدل علي كلامي السابق...
(((((سئل احد الصحابه اذا خيرت يا امير المؤنين أن تولي علينا القوي الفاجر ام التقي الضعيف فماذا تختار....قال امير المؤمنين القوووووي الفاجر ))))

علشان التقي بيكون تقاه لنفسه....وانما القوي تعود قوته علي شعبه وجيشه
يعني التقي هيدخل الجنه ان شاء الله لان تقواه هي علاقه بينه وبين ربه

‎4- الاخوان هما التنظيم الوحيد القوي والمنظم اللي كان موجود وقت مجلس الشعب ومفيش غيره فلازم ينجح ...
وظلمنا كلنا وظلم كل الثوار الشرفاء بترشحه لوحده في الساحه السياسيه

‎5- السبب الخامس والاخير والاهم في الموضوع واللي قولت اني هشرحه في اخر كلامي .......

((( هو ان نجاحهم كان بمزاج الجيش او المجلس العسكري)
المجلس العسكري رأي في الاخوان انه لازم ياخدهم في حضنه علشان يكسر سمهم ويقرمهم زي الثعابين.....ودخلهم مجلس الشعب بدون صلاحيات.....
لان مجلس الشعب كان بالنسبه للاخوان زي اللعبه او المصاصه اللي شابطين فيها فرمهلهم....وواحده واحده هيشلهم ويخرجهم برده من مجلس الشعب بمزاجه برده ....والغريب في الامر انه هيكون بمزاااااااااااج الشعب الي دخلهم المجلس....هههههههههههه

وطبعا لا يخفي عن الجميع ان الاخوان اثبتوا انهم في منتهي الغباء في مجلس الشعب ولم يثبت كفائتهم او استحاققهم بالثقه الشعبيه
ولا يفهومون في السياسه او القوانين الدستوريه
قعدوا يقول الحكومه متنفعش وعايزين نشلها.....لازم نقيل الحكومي لازم لازم لأأأأأأأأأأأأأأازم
ههههههه....ولما جه اللي يفهمم قالهم يا عبط اقالة الحكومه مش من اختصاصكم ده من اختصاص الرئيس او القائم مقامه ( المجلس العسكري)

طبعا انتوا فاهمين ليه عايزين يشلوها ..علشان يشكلوا حكومه اخوان

تاني حاجه لم يشرعوا اي قانون يفيد المجتمع كما اقنعوا اتبعاهم ووعدوا والناس كلهم .....

ولما جه عفريت اسمه عمر سليمان عملوا قانون في يومين بالضبط

طب لما انتوا شاطرين قوي كدا معملتوش ليه قوانين تفيدنا معملتوش ليه امن في الشارع محلتوش ازمه السولار ليه

الغلط الدستور اللي وقعوا فيه ويبن لكم انهم لا يفقهون سياسيا ايضا ان قانون العزل متشخصن ( يعني ايه)؟؟؟؟؟
المفروض في القانون انه يكون عام او شامل يطبق علي الجميع

لكن هما عملوا قانون متظبط زي البدله علي (عمر سليمان واحمد شفيق)
حيث نص القانون علي ان لا يسمح لمن كان نائب للرئيس او رئيس وزراء
يا سلاممممم ايه الحلاوه ديه
ايه الذكاء ده كله

وكمان حددوه بتاريخ تولي احمد شفيق كمان يا نهار ابيض ده قانون ساكسونيه
بيعملوا قوانين علي مزاجهم
نفااااااااااااااااااااااق

وافتكر كمان من صور النفاق لانهم مصلجيه ز ي ما قولت..... في اول الامر بعد الثوره قولوا حاجه غريبه ان ميزانيه الجيش لازم تعرض علي مجلس الشعب ولازم تكون هناك شفافيه.....سبحان الله نفضح نفسنا قدام العالم كله تفكير غريب ....وده قبل الترشح لمجلس الشعب ......ولما قربت الانتخابات لمجلس الشعب رجعوا في كلامهم بسرعه وقالوا لاااااااا مش لازم تعرض علي مجلس الشعب.....(علشان يحطوا الجيش في عبهم ما هو اللي هيراقب الانتخابات)

واخر صوره للنفاق ( لان من ايات النفاق الكذب والاخلاف بالوعد وخيانه الامانه) انهم وعدوا بان كفايه عليهم مجلسي الشعب والشوري وانهم مش ممكن يفكروا في الرياسه .....رجوعوا تاني كالعاده ورشحوا واحد لسا خارج من السجن وواحد احتياطي او استبن يكمل فكره المرشد بتاعهم ( سياسة القطيع بالظبط ) ...المرشد يقول رشحوا يا اولادي فلان والناس او الجامعه تقول امييييييييييييين.....لا بلاشه ناديه خدوا سوسو ....حاضر يا ريس امييييييييييييين ههههههه
مبايعه بقي من دون تفكير

مش فاهم يعني ايه مبايعه فاكر نفسه سيدنا ابو بكر ولا سيدنا محمد
وانتوا عارفين ليه عايزين يشيلوا الحكومه....علشان يعملوا حكومه منهم وتبقي هيصه بقي
عايزين مجلسي الشعب والشوري .....ومعاهم الحكومه..... والرياسه.... ومفيش مانع (انهم يحطوا الدستور )كمان
طب ازاي ؟؟؟؟ ما هو لما يغلط او ينحرف مجلس الشعب الاخواني مين اللي يراقبه الرئيس الاخواني هههههه
ما هو لما تغلط او تنحرف الحكومه الاخوانيه مين اللي يراقبها الرئيس الاخواني ولا مجلس الشعب الاخواني ههههههه
مش ممكن طبعا لا العقل ولا المنطق ولا الدين بيقول كدا

» الجامعة العربية تدعو مجلس الأمن لإرسال قوات حفظ سلام إلي سوريا ..علي منتديات سمر وشهد
» رئيس مجلس الشعب
» واثــقٌ حتى النهــايـــــــة ؟؟؟ علي منتديات سمر وشهد
» قصه محزنه ؟؟! علي منتديات سمر وشهد
» علي منتديات سمر وشهد.. تفـــــاصيـــــــــــــــل الاعلان الدستــــــــوري المكمـــــــــــل