خالد
مدير عــــام المنتدي
الجـــــنس : 
عــدد المساهمات : 2328
نـــقــاط : 19875
تاريخ التسجيل : 16/06/2011
العمــــــر : 46
 | موضوع: الوصفه السحريه لكيفيه البحث في الانترنت  الإثنين يونيو 20, 2011 6:55 pm | |
| ........... بسم الله الرحمن الرحيم ............
في البداية كده احب اعرفكم معني كلمة ( فن البحث )...
- بص يا عم ...
-- كام مرة حاولت تدور علي برنامج او لعبة او فيلم او اي حاجة و قعدت متصومع قدام الجهاز عشرين الف سنة
عشان تجيبها؟؟؟؟؟؟ واحيانا مبتعرفش تجيبها كمان ....!!
بلاش دي ..
-- طب كام مرة نزلت لعبة من النت مثلا وطلعلك بعد ما فكيت الضغط بتاعها ملف غريب معرفتش بيتفتح باي برنامج ؟؟؟
في الدرس ده بقي هتعرف ازاي في اقل من دقيقة تجيب اللي انت عايزه بالظبط ...
انا هقسم الدرس ده لجزاين ....
الجزا الاول ( ازاي تجيب اي حاجة انت عايزها من مواقع البحث في تواني ) ...
الجزا التاني ( ازاي لو لقيت ملف بامتداد غريب تجيب البرنامج اللي يفتحه ... وهعرفك يعني ايه امتداد الملف للي مش عارف )
الجزء الاول ...............................
اول حاجة لازم تعرفها وانت بتبحث عن حاجة في الانترنت ... لازم تعرف انت بتبحث عن ايه بالظبط ...
يعني مثلا انت لو بتبحث عن برنامج .... لازم تعرف ان اي برنامج بيكون الامتداد بتاعة (exe.)
لو بتبحث عن لعبة ... لازم تعرف ان اللعبة اكيد هتكون مضغوطة لان ملفات اللعبة كتير .. وامتدادات الملفات المضغوطة كتير واهمها (rar. و zip.)
لو بتبحث عن ملف ملتيميديا طبعا اكيد كلنا عارفين امتدادات ملفات المتيدميديا (mp3,mp4,wmv) وغيرها كتير ..
طب دلوقتي انت حددت في دماغك انت بتدور علي ملف نوعه ايه ...
دلوقتي هعرفك مفاهيم اساسية في البحث .....
1- علامه + : علامة زائد دي بتحطها بين الكلمات بدل المسافة ... ومحرك البحث بيفهم منها انك عايز جميع النتائج اللي بتحتوي علي كل الكلمات دي مع بعض في نفس الوقت .
2- علامة - : علامة ناقص دي بتحطها بردو بين الكلمات بدل المسافة .... ومحرك البحث بيفهم مها انك غايز موضوع فيه كل الكلمات دي ولو ملقاش يجيب الموضوع اللي فيه كلمتين اوتلاتة من الكلمات دي .
دلوقتي لازم تعرف اهم محركات البحث ..
طبعا جوجل غني عن التعريف ... ومحرك بحث الياهو .... و [ندعوك للتسجيل في المنتدى أو التعريف بنفسك لمعاينة هذا الرابط] و [ندعوك للتسجيل في المنتدى أو التعريف بنفسك لمعاينة هذا الرابط]
دلوقتي بقي جه معاد الوصفة السحرية .............
وصفة سحرية بجد ....
افرض انت دلوقتي عايز تجيب برنامج معين بس اهم حاجة تكون عارف اسمه صح او لعبة معينة بس بردو تعرف اسمها بالانجليزي صح ....
دورت انت عليها في محركات البحث ومعرفتش تجيبها ...
سيبك بقي من محركات البحث وتعالي بسرعة .........
اقدملك موقع معظم الناس تعرفه بس مش كل الناس تعرف الميزة بتاعته ....
موقع 4 shared
انا عن نفسي بسميه الخادم الامين ......
الموقع ده اولا لما تشترك عليه بيديك خمسة جيجا ابلود ترفع عليهم اللي انت عايزه براحتك ...
واهم ميزة فيه بقي انك لما تكتب في مربع البحث بتاعه اسم الملف اللي انت عايزه .. بيجيبلك جميع الملفات اللي بالاسم ده واللي الناس رفعتها علي الموقع قبل كده ....
ومش بس كده .. دا بيكتب جنب كل ملف نوعه ومساحته وتم تنزيله كام مرة وبيفحصه من الفيروسات ...
ما عليك غير انك تضغط علي الملف اللي تختاره بعد ما يبطل بحث وتعمله دون لوود ببساطة متتخيلهاش ...
منقول ويتبع
| |
|
خالد
مدير عــــام المنتدي
الجـــــنس :
عــدد المساهمات : 2328
نـــقــاط : 19875
تاريخ التسجيل : 16/06/2011
العمــــــر : 46
| | موضوع: رد: الوصفه السحريه لكيفيه البحث في الانترنت الإثنين يونيو 27, 2011 7:21 pm | |
|
بسم الله الرحمن الرحيم
دلوقتي بقي جه معاد الجزا التاني من الدرس ....
افرض انت مثلا يعني ( وبتحصل كتير علي فكرة ) .. نزلت ملف مضغوط .... علي اساس انه لعبة مثلا ...
وقاعد انت بقي تحلم باللعبة بعد ما تفك الضغط ... وفجاة بعد ما فكيت الضغط طلعلك ملف غريب كده ومساحته كبيرة .. ومنتش عارف بيتفتح باي برنامج ...
دلوقتي انت قدامك حل من الاتنين ...
1- انك تمسح الملف خالص وتستعوض ربنا في الوقت اللي ضيعته في تنزيل الملف ..
2- انك تفهم اللي انا هقولهولك هنا كويس ....
اسمع بقي هقولك ايه ....
دلوقتي انت لازم تعرف يعني ايه امتداد الملف ( للي ميعرفش يعني ...) .
الملفات اللي موجودة في الويندوز مش كلها زي بعضها ولو الملفات كلها زي بعضها مكنش هيبقي فيه وظائف مختلفة لجهاز الكمبيوتر ....
يعني مثلا عشان اعرف الجهاز ان البرنامج ده ملف تنفيزي لازم يكون امتداده (exe.)
امتداد قواعد البيانات مثلا (mdb.) دا نوع access ( مش مشكلة مش عايزين ندخل نفسنا في مواضيع فرعية ..)
امتداد المكتبات مثلا بيبقي (dll.)
مش مهم تعرف كل الكلام ده .... المهم انك تعرف ان الامتداد ده بيعرف الويندوز علي نوع الملف عشان الويندوز يفهم لوحده هو الملف ده المفروض يفتح باي برنامج بالظبط ..
عشان كده مثلا ملف الصوت تلاقيه بيفتح لوحده اول ما تضغط عليه ببرنامج ال winamp مثلا ...
وهكذا بقي بقيت البرامج .. يعني كل برنامج بيقرا امتداده ...
ما علينا بقي...
انت دلوقتي بقي عندك ملف عاملك مشكلة .. ( يعني امتداده غريب والويندوز مش عارف يتعرف عليه ) ...
اول حاجة هتعملها انك تعرف امتداده . ازاااااااااااااااااااااااااااااااااااي؟؟؟؟؟؟؟؟
بسيطة جدا هتفتح قايمة start وبعدين control panel وبعدين folder options وبعدين تعمل زي ما موجود في الصورة كده ..
[ندعوك للتسجيل في المنتدى أو التعريف بنفسك لمعاينة هذا الرابط]
دلوقتي هتروح للملف هتلاقي اسم الملف موجود جنبه الامتداد بتاعه ...
زي كده مثلا افرض ان الملف اسمه file ونوعه مثلا ملف txt ... هتلاقي اسمه مكتوب كده file.txt
يعني الحروف اللي بتبقي موجودة بعد النقطة هي دي نوع الملف او امتداده ...
دلوقتي انت عرفت امتداد الملف ..
دلوقتي انت هتدخل الموقع ده ... [ندعوك للتسجيل في المنتدى أو التعريف بنفسك لمعاينة هذا الرابط]
وبعدين تعمل زي ما موجود في الصورة ..
[ندعوك للتسجيل في المنتدى أو التعريف بنفسك لمعاينة هذا الرابط]
طبعا انت دلوقتي معاك اسماء البرامج اللي بتفتح الملف الغريب اللي انت عايز تفتحه ..
دلوقتي المفروض انت عرفت انت هتعمل ايه بعد كده ...
ايوة طبعا علي طول اطلع علي 4sharedواعمل زي ما وريتك في الدرس الاول بالظبط ...
وبكده اكون خلصت ... الحمد لله
| |
|
هذه الرسالة تفيد أنك 
و يسعدنا كثيرا انضمامك لنا 
هـنـا 
